حب من طرف واحد

بكيت يـا قلبـي علـى فقـد غالـي.....ليتـه بكـى فرقـاي لحظـة بكيتـه
ياويـل حالـي والعنـا فـي خيالـي.....حسبـت حبـك لـي وقلبـك هديتـه
أهديت قلبـي الشعـر كأنـه زلالـي.....والقاف من قلبـك ياروحـي رعيتـه
يا سيدة حرفـي بـك القـاف عالـي.....والشعـر بـك يـزدان وانـا بديتـه
يـا مالـك روحـي ولا لـك مثالـي......ليتك قريت إحساس قلب ( ن ) عصيته
حب من طرف واحد عظيـم المقالـى.....جرح ( ن ) سرى بالروح لحظة قريته
ليتـه سكـت مـا دام حبـه تسالـي......ليت رحل عـن عالمـي مـا هويتـه
لاواعذاب الـروح ممـا جـرى لـي.....قصر الغلا والحـب حسبـك محيتـه
كنت الأمل فـي دنيتـي رأس مالـي.....ليه أنتهى حب ( ن ) بروحـي فديتـه
ناديت قلب ( ن ) من الغلا دوم خالـي.....ما شفت غيـر الجـرح منـه لقيتـه
ضاعت بي الهقوات ضـاع احتمالـي.....خابت ظنونـي يـوم حبـي نسيتـه
برحل وقلبـي يرتجـي شهـد حالـي.....يعرف مدى حبـي ولـو مـا بكيتـه